May 22, 2022

තෙල් ගන්න ඉන්දියාව හා චීනයෙන් ඩොලර් බිලියනයක ණයක් ඉල්ලයි!

වසරේ ඉතිරි කාලය සඳහා ඉන්ධන මිලදී ගැනීට ඇමෙරිකානු ඩොලර් බිලියනයක් ණය පහසුකමක් ලබා ගැනීමට ඉන්දියාව සහ චීනය සමඟ සාකච්ඡා ආරම්භ කර ඇතැයි ද සන්ඩේ ටයිම්ස් වාර්තා කර තිබේ.

ඒ අනුව, ලබන දෙසැම්බරය දක්වා පෙට්‍රල් සහ ඩීසල් සැපයුම අඛණ්ඩව පවත්වා ගැනීමට ඔවුන් මෙම රටවල් දෙකෙන් ඩොලර් මිලියන 500 බැගින් ලබා ගැනීමට සැලැසුම් කර ඇති බවද එහි දැක්වේ.

මෙම පියවර ගෙන ඇත්තේ ඉන්ධන මිලදී ගැනීම සඳහා ඉන්දියාවෙන් ඩොලර් මිලියන 200 ක ණය පහසුකමක් පමණක් ඉතිරිව තිබියදීය.

කෙසේවුවද, භාණ්ඩාගාරය විසින් විදේශ අමාත්‍යාංශය හරහා බොරතෙල් මිලදී ගැනීමට රුසියාවෙන් කළ ඉල්ලීමකට මෙතෙක් ප්‍රතිචාරයක් ලැබී නැතැයි ද එහි දැක්වේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top