Oct 07, 2021

කාන්තාවට පොලිසියෙන් සම තැන; 3ක් DIG ලා කරයි! Featured

ජේෂ්ඨ පොලිස් අධිකාරිවරියන් තිදෙනකු නියෝජ්‍ය පොලිස්පතිවරියන් ලෙස පත් කර ඇතැයි පොලිස් මූලස්ථානය සඳහන් කරයි.

ශ්‍රී ලංකා ඉතිහාසයේ මුල්වරට කාන්තා නියෝජ්‍ය පොලිස්පතිවරියන් තිදෙනෙකු පත් කළ පළමු අවස්ථාව මෙය වෙයි .

මෙසේ නියෝජ්‍ය පොලිස්පතිවරියන් ලෙස පත්කර ඇත්තේ ජේෂ්ඨ පොලිස් අධිකාරීවරියන් වන රේනුකා ජයසුන්දර, නිශාන්ති සෙනවිරත්න සහ පද්මිණී වීරසූරිය යන මහත්මීන් ය.

නියෝජ්‍ය පොලිස්පතිනි බිම්ශානි ජාසිංහආරච්චි මහත්මිය සමග මේ වන විට ශ්‍රී ලංකා පොලිස් දෙපාර්තමේන්තුවේ නියෝජ්‍ය පොලිස්පතිවරියන් හතර දෙනෙක් පත් කර ඇත.

ඉතිහාසයේ පළමුවරට ළමා හා කාන්තා කාර්යාංශය භාර දී ඇත්තේ නියෝජ්‍ය පොලිස්පතිනි රේනුකා ජයසුන්දර මහත්මියටයි.

නියෝජ්‍ය පොලිස්පතිනි නිශාන්ති සෙනවිරත්න මහත්මිය පොලිසියේ පර්යේෂණ හා සංවර්ධන දිසාව භාරව සහ නියෝජ්‍ය පොලිස්පතිනි පද්මිණී වීරසූරිය මහත්මිය පොලිස් සුභසාධන දිසාව භාරව පත් කර ඇත.

 

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top