Nov 17, 2021

විශ්‍රාම වයස වැඩිකිරීමේ පනතට කතානායක අත්සන් කරයි

සේවකයන් විශ්‍රාම යාමේ අවම වයස පනත් කෙටුම්පතට සහ කම්කරුවන්ගේ රක්ෂාව අවසන් කිරීමේ (විශේෂ විධාන) (සංශෝධන) පනත් කෙටුම්පතට කතානායකවරයා අද (17) අත්සන් තබා තිබේ.

මෙම පනත් පසුගිය 11 වැනිදා පාර්ලිමේන්තුවේදී විවාදයට ගෙන සම්මත විය.

මේ අනුව 2021 අංක 28 දරන සේවකයන් විශ්‍රාම යාමේ අවම වයස පනත සහ 2021 අංක 29 දරන කම්කරුවන්ගේ රක්ෂාව අවසන් කිරීමේ (විශේෂ විධාන) (සංශෝධන) පනත යන මෙම පනත් ද්විත්වය අද සිට බලාත්මක වේ.

මෙම පනත් කෙටුම්පත් මගින් පෞද්ගලික අංශයේ සේවකයන්ගේ විශ්‍රාම යාමේ වයස අවුරුදු 60 දක්වා දීර්ඝ කිරීම සිදුවේ. විශේෂයෙන් මෙතෙක් පෞද්ගලික අංශයේ සේවය කරන බොහෝ සේවකයින්ගේ විශ්‍රාම ගැනීමේ අවම වයස් සීමාවක් නියමකොට නොතිබුණි. බොහෝ විට පෞද්ගලික අංශයේ සේවකයන් විශ්‍රාම ගැන්වීම සඳහා පාදක කර ගනු ලැබුවේ සේව්‍ය, සේවක දෙපාර්ශ්වය අතර ඇති කරගන්නා ගිවිසුමේ සඳහන් කොන්දේසීන්ය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top