මෙසේ මියගොස් ඇත්තේ කඩවත ගෝනහේන  ප්‍රදේශයේ පදිංචි රාජු මධුශංක නැමැති 20 හැවිරිදි තරුණයෙකි. මෙම දැරිය ළමා නිවාසයකින් පැනවිත් කඩවත ප්‍රදේශයේ කුලී නිවසක රැඳී  සිට ඇතැයි කඩවත පොලිසිය කියයි .

ඉකුත් දා රාත්‍රී කඩවත පාසල් ක්‍රීඩාංගණ යේ පැවති සංගීත ප්‍රසංගයකදී මෙම මියගිය තරුණයා දැරිය සමග හාද වී ඇති අතර සංගීත ප්‍රසංගය අවසන් වී දැරිය රැඳී සිටි කුලී නිවසට ඇය සමග මියගිය තරුණයා පැමිණ ලිංගික සම්බන්ධතා පවත්වා ඇතැයි පොලිසිය කියයි.

ඒ  අතරතුර දැරියගේ පෙම්වතා යැයි කියන තරුණයෙකු එම නිවසට පැමිණ කාමරයේ දොර විවෘත කරන ලෙස පවසා තිබේ. පසුව කාමරයේ දොර විවෘත නොකෙරූ නිසා කෝපයට පත් පෙම්වතා කියන පුද්ගලයා වීදුරු දොර කඩාගෙන  ඇතුළු වී ඇති අතර දැරිය සමග පින්තාරුකරු සිටිනු දැක ඇති වූ බහින් බස් වීමකදී කැඩී ගිය වීදුරු කැබැල්ලක් මියගිය තරුණයාගේ ගෙලපෙදෙසට වැදී ඇතැයි මූලික පරීක්ෂණවලින් අනාවරණය වූ බව පොලිසිය කීය .

කැලණිය කොට්ටාස භාර ජ්‍යෙෂ්ඨ පොලිස් අධිකාරී රොෂාන් ඩයස් මහතාගේ සහ ජ්‍යෙෂ්ඨ පොලිස් අධිකාරී ආර්.ඒ ගුණරත්න මහතාගේ උපදෙස් පරිදි කඩවත පොලිස් ස්ථානාධිපති ප්‍රධාන පොලිස් පරීක්ෂක මොහාන් ද සිල්වා මහතාගේ ප්‍රධානත්වයෙන් අපරාධ අංශයේ ස්ථානාධිපති පොලිස් පරීක්ෂක නිරෝෂන් පනාන්දු ,පොලිස් සැරයන් 18899පණ්ඩිතරත්න ,පොලිස් කොස්තාපල්වරුන් වන 76914 අසේල ,40423 ලැනරෝල් ,94038 ජයවික්‍රම ,කාන්තා පොලිස් කොස්තාපල් 12250 චලනි යන මහත්ම මහත්මීහු වැඩි දුර පරීක්ෂණ කටයුතු මෙහෙයවති .