Jun 21, 2022

ඔස්ට්‍රේලියාව සහ ශ්‍රී ලංකාව අතර තීරණාත්මක සිව්වැනි තරගය අද

සංචාරක ඔස්ට්‍රේලියාව සහ ශ්‍රී ලංකාව අතර පැවැත්වෙන තරග 5කින් සමන්විත එක්දින ක්‍රිකට් තරගාවලියේ 4 වැනි තරගය අද පස්වරු 2.30 කොළඹ ආර් ප්‍රේමදාස පිටියේදී ආරම්භ වීමට නියමිතය.

මේ වනවිට ශ්‍රී ලංකාව තරග 2ක් ජයග්‍රහනය කර ඇති අතර තරගාවලියේ පළමු තරගය ඔස්ට්‍රේලියාව ජය ගත්තේය.

යම් හෙයකින් අද පැවැත්වෙන තරගය ශ්‍රී ලංකාවට ජය ගැනීමට හැකි වුවහොත් තරගාවලි ජයග්‍රහනය ශ්‍රී ලංකාව සතුවනු ඇත.

ශ්‍රී ලංකාව අවසන් වරට ඔස්ට්‍රේලියාවට එරෙහිව ද්විපාර්ශ්වික එක්දින තරගාවලියක් ජයග්‍රහණය කර ඇත්තේ 2010 වසරේදීය.

2010 වසරේ නොවැම්බරයේ මස ඔස්ට්‍රේලියාවේදී ශ්‍රී ලංකා පිල සහභාගි වූ තරග 3කින් සමන්විත තරගාවලියේ මෙල්බර්න් හා සිඩ්නි ක්‍රීඩාංගණවල තරග දෙකේ ජය ලබා 2-1ක් ලෙස තරගාවලි ජය සතු කර ගත්තේය.

ඉන් පසුව තවමත් ඔස්ට්‍රේලියාවට එරෙහිව ශ්‍රී ලංකාව එක්දින තරගාවලියක් ජය ගෙන නැත.

 

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top