Dec 06, 2016

සිසේරියන් : මනුෂ්‍ය පරිනාමයට බලපෑමක්

දරු ප්‍රසූතියේදී සිසේරියන් සැත්කම් වෙත වැඩි වශයෙන් යොමුවීම නිසා අනාගතයේදී මනුෂ්‍ය පරිනාමයට දැඩි බලපෑමක් සිදුවිය හැකි බවට විද්‍යාඥයෝ අනතුරු අඟවා තිබේ.

බොහෝ මවුවරුන්ගේ උකුල් ප්‍රදේශය සිහින් නිසා ඔවුන් වැඩිදෙනා සීසේරියන් සැත්කම්වලට බඳුන්වෙන බව නවතම අධ්‍යයනයකින් හෙළි වී ඇති බව විදෙස් වාර්තා පවසයි.

ඒ අනුව, වර්ෂ 1960 දී අලුත උපදින බිළිඳුන් 1,000කින් 30ක් ස්වභාවික උපතක් සිදුවන, උපත් නාලය සමග සැසඳෙන මට්ටමක නොසිටියත්, වර්තමානයේදී එම අගය අලුත උපදින බිළිඳුන් 1,000කට 36ක් දක්වා වර්ධනය වී ඇති බව එම වාර්තා අනාවරණය කර තිබේ. 

ඓතිහාසිකවම මෙවැනි ජාන මවගෙන් දරුවාට පැමිණීමක් සිදු නොවූයේ එකල දරුවා මෙන්ම මවද එවැනි අවස්ථාවකදී දරු ප්‍රසූතියේදී ජීවිතක්ෂයට පත්වන නිසා බව  විද්‍යාඥයින් පැහැදිලි කර ඇත.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top