Oct 29, 2021

Squid Game ක්‍රිප්ටෝකරන්සි විශේෂයේ වටිනාකම විසිගුණයකින් ඉහළට!

මේ වන විට ලොවපුරා ජනප්‍රිය වී ඇති Squid Game (ස්කුයිඩ් ගේම්) කතා මාලාව හා බැඳුනු නව ක්‍රිප්ටෝකරන්සි වර්ගයක් පිළිබඳව වාර්තා වේ.

Squid (ස්කුයිඩ්) ලෙස නම් කර ඇති මෙම ක්‍රිප්ටෝකරන්සි විශේෂයේ වටිනාකම පසුගිය අඟහරුවාදා දිනයේදී ඩොලර් ශතයක් ලෙස පැවතුනද, අද (සිකුරාදා) වන විට එහි වටිනාකම විසිගුණයකට වඩා වැඩිවී ඩොලර් 2.34ක් වී තිබේ.

Squid Game හා බැඳුනු අන්තර්ජාල ක්‍රීඩාවක් නොවැම්බරයේදී ආරම්භ වීමට නියමිත අතර, එහි ක්‍රීඩාකිරීමට බොහෝදෙනා විසින් මෙම Squid මිලදීගනු ඇතැයි පැවසේ.

ණය බරින් මිරිකුන දකුණු කොරියානු පුද්ගලයන් කණ්ඩායමක් රවටා (පසුව ස්වේච්ඡාවෙන්) මාරාන්තික ළමා ක්‍රීඩා තරඟාවලියකට සහභාගී කරවන කතාපුවතක් වන Squid Game, මේ වන විට නෙට්ෆ්ලික්ස් හි මෙතෙක් වැඩිම පිරිසක් නැරඹු නාට්‍ය මාලාව බවට පත්ව ඇත.

 

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top