Feb 26, 2022

රුසියාව ෆේස්බුක් ගැන දැඩි තීරණයක් ගනී Featured

රුසියාව තුළ ෆේස්බුක් සමාජජාල මාධ්‍ය භාවිතය අවහිර කිරීමට පියවර ගෙන ඇති බව විදෙස් මාධ්‍ය වාර්තා කරයි.

අසත්‍ය ප්‍රචාර සිදුකිරීම හේතුවෙන් මෙම අවහිර කිරීම සිදුකර ඇති බව රුසියානු බලධාරින් ප්‍රකාශ කර තිබේ.

RIA ප්‍රවෘත්ති ඒජන්සිය, ආරක්‍ෂක අමාත්‍යාංශයේ Zvezda TV සහ gazeta.ru මෙන්ම lenta.ru යන රුසියානු මාධ්‍ය ආයතන හතරක් සඳහා වූ සීමාවන් ඉවත් කරන ලෙසට ෆේස්බුක් වෙතින් කරන ලද ඉල්ලීම් ඔවුන් නොසලකා හැරීම හමුවේ රුසියාව මෙම පියවර ගෙන තිබේ.

පසුගිය වසරේදීද මොස්කව් පාලනය විසින් දණ්ඩනීය පියවරක් ලෙස ට්විටර් හි වේගය අඩු කළේය.

මේ අතර යුක්‍රේනයේ යුද ගැටුම් හේතුවෙන් මේ වන විට යුක්‍රේන ජාතිකයින් ලක්ෂයකට අධික පිරිසක් අවතැන්වී ඇති අතර 35,000ක පමණ පිරිසක් පෝලන්තයට පළාගොස් ඇති බව විදෙස් මාධ්‍ය වැඩිදුරටත් වාර්තා කරයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top