Apr 27, 2022

සූ චී ට තවත් පස් වසරක සිරදඬුවම්

මියන්මාරයේ හමුදා පාලනව විසින් එරට හිටපු නායිකාව වන අවුන් සාන් සූ චී තවත් චෝදනා වලට වරදකරු කර තිබේ.

අද (27) දිනයේදී ජුන්ටා අධිකරණයක් විසින් තීන්දුකර තිබුණේ මියන්මාරයේ විශාලතම නගරය වන යැංගොන් හි හිටපු ප්‍රධානියාගෙන් ඩොලර් 600,000ක අල්ලසක් මුදලක් හා සහ රන් බාර් ලබා ගැනීම සම්බන්ධයෙන් සූ චී මහත්මිය ඇය වරදකාරිය බවයි.

මියන්මාරයේ නයි පයි තව් අගනුවර රහසිගතව මෙම නඩු විභාගය පවත්වා ඇති අතර, මාධ්‍යවේදීන් වෙත අදහස් දැක්වීම, සූ චී මහත්මියගේ නීතීඥවරුන්ට තහනම් වී ඇත.

ඒ අනුව ඇයට තවත් වසර 5ක සිරදඬුවමක් හිමිවී තිබේ.

පසුගිය වසරේ පෙබරවාරි මාසයේ සිට නිවාස අඩස්සියේ සිටි සූ චී මහත්මිය අවස්ථා කිහිපයකදීම විවිධ චෝදනා සඳහා වරදකරු කර ඇති අතර, එම සියළුම චෝදනා සඳහා ඇයට මේ දක්වා 11 වසරක සිරදඬුවම් ලබා දී ඇත.

ඇයට එල්ල කර ඇති සියලු චෝදනා සඳහා වරදකරු වුවහොත් ඇයට වසර 190කට වඩා වැඩි කාලයක සිරදඬුවමක් හිමිවනු ඇත.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top