May 19, 2022

වඳුරු උණ, රටවල් කිහිපයකින්ම හමුවෙයි

යුරෝපා රටවල් කිහිපයක මෙන්ම කැනඩාවෙන් හා ඇමෙරිකාවෙන් මේ වන විට වාර්තා වී ඇති වඳුරු උණ වයිරසය (monkeypox)  සම්බන්ධයෙන් පරීක්ෂණ ඇරඹී ඇතැයි විදෙස් වාර්තා සඳහන් කරයි.

පැපොල රෝගයට සමාන උණ රෝගී තත්වයක් ලෙස සැලකෙන මෙය, සාමාන්‍යයෙන් වාර්තා වන්නේ මධ්‍යම හා බටහිර අප්‍රිකාවේ දුෂ්කරම පළාත් වලින් පමණි. ඊට පිටස්තර ප්‍රදේශ වලින් වාර්තා වන රෝගීන්ද බොහෝ විට එම ප්‍රදේශ වලට සිදුකළ සංචාර හා සබඳතාවයක් ඇත.

සාමාන්‍යයෙන් දරුණු රෝගී තත්ත්වයක් නොවන මෙයට ගොදුරු වූවන් සති කිහිපයක් තුළ සුවය ලබන බව පැවසේ.

ඇමෙරිකාවෙන්ද මෙම රෝගියෙකු වාර්තා වී අතර, මෙම රෝගය වැළඳී ඇතැයි සැකසහිත පුද්ගලයන් 13 දෙනෙකු කැනඩාවෙන් හමුවී ඇත. තවද, ස්පාඤ්ඤයෙන් රෝගීන් සත්දෙනෙකු හා හා පෘතුගාලයෙන් රෝගීන් පස්දෙනෙකු හමුවී ඇත.

මෙම රෝගියෙකු මුලින්ම බ්‍රිතාන්‍යයෙන් වාර්තා වී ඇත්තේ මැයි 07දාය. මේ වන විට බ්‍රිතාන්‍යයෙන් රෝගීන් 09 දෙනෙකු හමුවී තිබේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top