May 25, 2022

ටෙක්සාස් වෙඩිතැබීමෙන් 21ක් මරුට

අමෙරිකාවේ ටෙක්සාස් ප්‍රාන්තයේ ප්‍රාථමික පාසලක සිදු වූ වෙඩි තැබීමකින් දරුවන් 18 දෙනෙකු හා වැඩිහිටියන් දෙදෙනෙකු ඇතුළු 21 දෙනෙකු මියගොස් තිබේ.
විදෙස් මාධ්‍ය සඳහන් කළේ, මියගිය ළමුන් අවුරුදු 7 - 10 ත් අතර වයස්වල පසුවන්නන් බවයි.


වෙඩි තැබීම සිදු කළ 18 හැවිරිදි සැකකරු ද පොලිස් වෙඩි පහරින් මියගොස් ඇත.

ඔහු සිය මෝටර් රථය පාසල අසළ නතර කර ගිනි අවි දෙකක් අතැතිව පාසලට පැමිණ වෙඩි තැබීම සිදු කර තිබුණු අතර, ඊට පෙර සිය මිත්තණියට ද වෙඩි තබා ඝාතනය කර ඇති බවට සැකකෙරෙන බව විදෙස් වාර්තා සඳහන් කරයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top