Nov 24, 2016

චීන වෙළඳපළ අල්ලගන්න ෆේස්බුක් වෙතින් නව උපායක්

නිශ්චිත භූමි ප්‍රදේශවල ජනතාව විසින් ඔවුන්ගේ ෆේස්බුක් පිටුවල පළ කරනු ලබන තොරතුරු යටපත්කිරීම සඳහා විශේෂ මෘදුකාංගයක් ෆේස්බුක් සමාජ මාධ්‍ය ජාලය නිපදවමින් සිටින බව නිව්යෝර්ක් ටයිම්ස් පුවත්පත පවසයි.

පුවත්පත වාර්තාකරන ආකාරයට එම නව ක්‍රමවේදය නිර්මාණය කළ ෆේස්බුක් සමාගමේ පෙර හා වර්තමාන සේවකයන් පවසන්නේ චීනයේ වෙළඳපල ඉලක්ක කරමින් මෙම විශේෂ පහසුකම ඉදිරිපත්කෙරෙන බවය.

එවැනි මෘදුකාංගයක් නිෂ්පාදනය කර තිබේද නැත්ද යන්න සනාථ කිරීම ප්‍රතික්‍ෂේප කළ ෆේස්බුක් සමාගම චීනය පිළිබඳව අධ්‍යයනය කිරීමට සහ තේරුම් ගැනීමට කාලය ගතකරමින් සිටින බව ප්‍රකාශ කළේය.

එම සමාගමේ සේවකයන් පවසන්නේ අදාළ මෘදුකාංගය චීන වෙළඳපල සම්බන්ධයෙන් ඉදිරිපත් වූ බොහෝ අදහස් වලින් එකක් පමණක් වන අතර සාර්ථක එකක් නොවියහැකි බවය.

(බීබීසී)

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top